Datblygiadau Iaith-Economi

Y mae Menter a Busnes wedi sefydlu Fframwaith Ymchwil a Datblygu, o ganlyniad i'r angen a amlinellwyd yn strategaeth 'Iaith Pawb' Llywodraeth Cynulliad Cymru.

Nod y gwaith yw ehangu ar yr wybodaeth a‘r ddealltwriaeth sy‘n bodoli o gysylltiadau iaith ac economi er mwyn cyfrannu yn strategol i bolisïau a gweithgareddau y prif sefydliadau datblygu economaidd yng Nghymru.

Mae'r gwaith yn cynnwys:

• Adolygiad Llenyddiaeth o wybodaeth ar berthynas iaith-economi
• Comisiynu ymchwil i lenwi bylchau gwybodaeth
• Dysgu o ymarfer gorau yn rhyngwladol
• Sefydlu meincnodau ar gyfer asesu newid parhaus
• Datblygu Model gwerthuso tymor hir ar gyfer mesur effaith gweithgareddau

Fel rhan hanfodol o ddatblygiad tymor hir y Fframwaith Ymchwil a Datblygu y mae Grwp Trafod o nifer fechan o gynrychiolwyr wedi ei sefydlu i drafod ac i arwain ar y prif bwyslais ymchwil y Fframwaith.

Mae Menter a Busnes yn cyd-weithio gyda nifer o bartneriaid economaidd neu ieithyddol allweddol yng Nghymru, gan gynnwys Llywodraeth Cynulliad Cymru, WLGA, Bwrdd yr Iaith Gymraeg a Gyrfa Cymru, ynghyd ag arbenigwyr ieithyddol ac economaidd.